天文台上周發出今年首個紅色暴雨警告信號，但教育局遲咗足足十分鐘先宣布上午校同全日制學校停課，唔少學生返學慘變「落湯雞」，之後仲要折騰返屋企。教育局局長吳克儉（吳得掂）尋日終於宣布日後停課決定將會同天文台嘅暴雨警告信號同步發放，擺明就係補鑊，但佢出名做咩都慢幾拍兼唔多掂，如今將兩個訊息發放時間綑綁，分分鐘累埋天文台一齊孭鑊，唔知天文台台長岑智明對於呢個決定有無滴汗呢？睇嚟岑智明都要學吓吳得掂，搵定個副手喺出事時解畫先得喇！
