有道是：酒常知節狂言少，心不能清亂夢多。《明報》自詡甚麼「知識分子的報」以及「公信第一」，其實，《明報》管理一塌糊塗，教外人看了恍如鴨吃辣椒——直搖頭！不是嗎？每炒一次人就演一次鬧劇，而且一次比一次精彩！甚麼專欄作家「以自己的方式開天窗」，編輯又以自己的方式封窗……花款之多，直如天上繁星，難以一一去數清楚。
《明報》炒執總風波未息，繼早前有約四百人雲集其位於柴灣的工業中心抗議「炒姜」，又有好事者登小廣告叫「天祥回家，勿念香港」！
其實，《明報》炒人、用人，說到底是自己內部的事，外人根本不必「阿趦阿趄」。管理學上有所謂「暈輪效應」，指人們看問題時，應像日暈一樣，由一個中心點逐步向外擴散成愈來愈大嘅圓圈。某位員工一次表現好，就認為佢一切頂呱呱；某員工犯了一次錯誤，就睇死佢永遠大頭蝦。「暈輪效應」的危害是一葉障目，阿哥，你又憑乜叫人哋嗰位總編輯回大馬老家？佢份高薪你有份畀咩？
講番「夠薑行動」，就更係狗拿耗子的大鬧劇。家陣你有幸中了一億六合彩，都冇能力捍衞編採自主喇，邊個出錢辦報，邊個才有真正權力去捍衞編採自主，政客為吸睛為選票一味亂嗌，古人說：「一為文人，便無足觀」，家陣我話：一為政客，便無足觀。有啲嘢並非拉大隊亂吼亂叫就得㗎，不明自己的能力去到邊都只會出醜！
《明報》一九八四年五月抽起過《哈公怪論》，之後又再抽起過一次，當年查大俠話事，唔見有人搞風搞雨，老朽當年親歷其事。有讀者打電話入來，老朽接聽，佢話：《明報》一蚊，《哈公怪論》佔九毫，冇咗佢，你要咯！之不過，當年查大俠睬你都傻；唉，如今《明報》公信力已死，心不能清亂夢多。鬧劇第一，你仍要看嗎？