政情：劉志成補選 $40換1票

立法會新界東補選參選人嘅選舉開支陸續出爐，七名參選人之中，報稱獨立嘅劉志成及外號「體雕大狀」嘅大律師梁思豪，就因獲得選票不足百分之三而被沒收五萬元選舉按金。其中，劉志成計埋保證金及選舉開支，一共使咗九萬多元，若以他得票二千二百多票計算，每票平均花四十元，成本效益會否太低呢？

雖然劉志成無搞任何大型宣傳活動，但選舉廣告開支就高達三萬六千元，全部用落製作宣傳海報及橫額，但佢就無申報任何社交網站及網絡宣傳。另外，劉志成無租用任何地方，但佢就有租用貨車，計埋文具、大聲公等物資，再加上支付食環署為其移除宣傳品嘅費用，一共使咗四萬一千元。