中環出更：肥佬黎又同老鴿密會搞搞震
壹傳媒集團前主席黎智英（肥佬黎）又同民主黨（白鴿黨）老鴿密會攪局？肥佬黎於前年佔領行動期間，在金鐘佔領區內遭人淋潑動物腐爛內臟及糞便等髒物，尋日涉案三名男子判刑。而事有湊巧，肥佬黎晚上於寓所內同泛民主派中人密會，出席者包括最少兩名白鴿黨老鴿，即兩名前主席何俊仁（AV仁）及李永達等人，莫非眾人又密謀搞搞震？
肥佬黎等人於天雨期間照舊密會。據知AV仁、李永達等人於晚上八時左右陸續到達肥佬黎位於何文田寓所，眾人密會約兩小時，於晚上十時齊齊乘搭一架七人私家車離開。
現場所見，李永達坐在司機身邊，而AV仁則坐喺司機身後座位，而最耐人尋味的是，AV仁身旁有人表現鬼祟，竟高舉隨身攜帶的袋遮臉，難道有人擔心身份曝光？今次肥佬黎「急召」白鴿黨老鴿等人密會，莫非與「豬雜案」有關？還是為了泛民在九月立法會選舉布陣「指手畫腳」呢？
卓妮