古人話，喪亂多妖孽，真係一啲都冇講錯。香港之所以烏煙瘴氣，亂象叢生，咪就係因為妖孽為患囉。
呢，有個所謂社會主義行動嘅組織，尋日聯同香港難民聯會及社民連等團體發起遊行，話要捍衞難民權利，反對設立禁閉營喎；佢哋聲稱不滿港府及部分建制派議員「抹黑」難民，指冇證據顯示難民聲請人犯罪率特別高，示威期間社會主義行動主席鄧美晶及成員林子龍仲當眾焚燒《東方日報》添。
所以話，今時今日乜嘢妖孽都有。假難民為禍香港，係七百萬市民有目共睹嘅事實，鄧美晶之流究竟係詐傻扮懵，定係發雞盲？傳媒發揮第四權功能，揭發假難民帶來嘅種種問題及亂象，全部有根有據，究竟係邊個抹黑邊個？遠嘅唔講，近日旺角連續發生幾單械鬥、傷人及刑毀案，搞到腥風血雨，尋日警方採取行動拘捕多人，其中就包括多名懷疑受黑幫操控嘅南亞兵團成員，唔通咁都係假嘅？
即係咁，如果呢班聲請人士真係政治難民，香港基於人道立場提供援助，畀佢哋暫時逗留，咁都無可厚非，弊在其中九成九以上係假難民，佢哋賴死唔走，有啲甚至已經滯留十幾年，只係為咗搵錢，打黑工仲係小兒科，作奸犯科至係大件事。尤其係元朗等假難民重災區，更加七國咁亂，居民惶惶不可終日，搞到要組織「更練團」自保，鄧美晶之流仲話難民聲請人犯罪率唔算特別高，根本係擘大眼講大話！
正所謂，綿綿不絕，必有亂結，隨着假難民愈來愈多，罪案無日無之，市民忍無可忍，有人建議設立禁閉營，一來防止罪案，二來阻嚇人蛇偷渡，係天經地義嘅事，鄧美晶居然話違反人權，簡直九唔搭八。呢班妖孽淨係識得保障假難民嘅人權，咁香港市民嘅人權邊個保障呢？港府年年為假難民花費大量公帑，呢條數又點計呢？
「農夫與蛇」嘅故事相信大家都聽過，有位農夫見到路邊一條蛇凍僵，覺得好可憐，於是將蛇放入懷中保暖，點知條蛇甦醒之後恩將仇報，一啖咬死農夫。農夫臨死前慨嘆：我居然可憐毒蛇，理應有此惡報。
冇錯嘞，做人最緊要分清是非黑白，假仁假義隨時害人害己。咪話唔提醒吖，鄧美晶小姐最好咪出夜街，如果唔係，萬一遇到南亞假難民要求濕吻甚至有進一步動作，都唔知應該點樣反應。當然喇，以鄧小姐咁有愛心，對假難民咁仁慈，相信一定會好好配合，可能仲覺得係一種享受添。
事實證明，國之將亡，必有妖孽，香港淪落成咁，真係「蒲嬤」！