標準工時委員會就「標準工時」展開第二階段諮詢，但被批評是原地踏步，偏袒資方。有份杯葛委員會嘅勞方代表梁籌庭尋日就喺電台節目上話，資方代表嘅態度非常強硬，又話委員會嘅工作對勞方唔公平，令立法遙遙無期，仲預期第二階段諮詢都唔會有共識添。梁籌庭仲提到有數據顯示會計界幾乎廿四小時工作，但會計界代表竟然話係會計行業嘅常態，形容係想給機會新人，等佢哋將來有機會發達。如果咁做法，發達都無命享喇。
