香港人壓力大，唔少人年紀輕輕已頭髮灰白，甚至脫髮。縱橫遊執董袁振寧外父兼健康快車香港基金副主席林賢奇年近七十，都有一頭黑髮，咪以為係靠染髮，原來係真黑髮。林賢奇笑稱，佢一直無白頭髮可能同長期按摩頭部有關。事關佢一直有頭痛問題，於是每星期至少去按摩頭部兩次，每次按足兩小時，如是者持續廿幾年。估唔到頭痛醫頭都有意外收穫喎！
