90後少女爭炮台山「脫北」
【專案組報道】「我哋係炮台山，唔係北角！」炮台山位於天后與北角之間，據聞因一八八○年英軍在山頭上設置炮台而得名，常被統稱為北角或納入天后。因見炮台山長久以來不被承認，九十後女生Risaki特意開設facebook專頁，希望能團結一眾「真‧炮台山人」爭取社區權益，讓炮台山早日「脫北」，令其獨特性受到社會肯定。
Risaki稱，專頁於一三年已開設，本屬反對港鐵北港島換線方案的行動之一，現時則以分享區內新聞為主。大學修讀商科的Risaki強調，並非特別關心政治，亦沒有特定政治立場，如此關心炮台山社區，只因為自己在炮台山住了二十多年，有種生於斯、長於斯的社區情懷。
「自八五年有地鐵站，炮台山就開始發展，形成咗個社區，其實同北角已經剝離咗。」她認為，炮台山有種獨特性格，過去只屬一個邊緣地區，但漸漸已變得與北角不同，「炮台山雖然好細，嚟嚟去去得幾條街，但係每個角落都會發掘到唔同故事。」她希望可吸引到更多區外人前來炮台山探索。
以fb凝聚同路人
採訪當日Risaki帶記者參觀多個炮台山的「名勝」，包括森記圖書、油街實現，以及近日聲名大噪的皇都戲院。炮台山新舊兼備，如油街實現的藝術空間，其前身為遊艇會總部，皇都戲院則一直為區內地標，小店在裏面能有生存空間，區內亦見有不少新式商廈，「可能有啲人會覺得無乜嘢行，但細心啲去觀察，其實會發掘到好多有趣嘅事。」她又指，建築物有象徵作用，但背後凝聚人的精神才最重要。
現時，專頁連同Risaki只有兩名管理員，雖然只有四百多個支持者，但可聚集到一群現實中陌生而心中有相同理念的人，是Risaki的動力來源，「依家都係網絡時代，用facebook宣傳理念係幾有效，即使啲Like零零碎碎，但見到都有少少影響力都會好開心！」