政情：中大教授「食飯」趣談粵語
食飯喇！食飯嗱？同樣嘅說話用唔同語氣表達可以有唔同意思，香港中文大學粵語研究中心主任鄧思穎及中大榮休講座教授張洪年昨午分享研究粵語心得，並以「食飯」為例子講解粵語嘅獨特之處。
鄧思穎指粵語中的「虛詞」，加喺句子後同句子中間亦會影響整個意思，舉例食「咗」飯解已經食完、食「埋」飯則暗示之後仲有其他事情、食「親」飯都肚痛等。
稱有系統學習「唔等得」
講到普教中，鄧思穎坦言唔明白原因，佢認為香港教育講求兩文三語，粵語知識相對不足，連前線老師都未必熟悉，直言有系統嘅粵語基礎學習「唔等得」，港人不應放棄保存粵語。