中環出更：城大學精 藝術展有「國立」
康文署早前要求劇團喺場刊內刪去國立臺北藝術大學中「國立」二字，掀起「去國立化」風波，其後事件愈揭愈多，連香港中文大學轄下多個機構同學院都被指牽連在內。不過香港城市大學就吸取咗其他人嘅教訓，保留住「國立」二字喇！
講緊嘅係由今日起至七月尾於城大舉行嘅新媒體藝術展，而展覽更係城大同臺北國立故宮博物館再度合作舉辦嘅。展覽用咗新媒體藝術手法，去呈現清代宮廷畫家郎世寧嘅作品同所身處嘅時代，可謂係結合咗文化遺產、媒體藝術同科技。無論係預展或開幕禮整個過情，都以臺北國立故宮博物館相稱，而館長馮明珠亦有在場。
梁乃鵬「閃現」開幕禮
至於近日捲入台灣中央研究院院長退選風波嘅城大校長郭位就睇嚟好忙碌，匆匆到埗，啱啱好趕得切出席開幕禮，而佢嘅西裝更被雨水沾濕咗添！而校董會主席胡曉明、副校監梁乃鵬都一樣貴人事忙，開幕禮後就不見蹤影，想搵佢哋傾句偈都好難囉！
卓妮