政情：公民講場：政府玩數字 大削貧窮戶

扶貧委員會將於今日開會，有消息話政府有意將公屋等政府福利當作現金收入咁計算，令總收入低過貧窮線而被視為貧窮嘅人口大減。勞工及福利局局長張建宗尋日被問及有關問題時，否認當局想蓄意壓低貧窮人口喎。其實如果住公屋都唔算窮，唔通住私樓、住豪宅先算窮？定係要啲小市民連公屋都無得住，搞到要瞓街先稱得上做窮人？真係唔知我哋啲特區高官喺度諗緊乜。