立法會前議員劉千石（阿石）自從八年前連任失敗後，都算係退隱政界。阿石係職工盟創會主席及前會長，前晚就獲邀出席由職工盟演變分拆出來嘅工黨籌款晚宴，但我哋見佢手持拐杖，行動唔多方便。阿石透露，個幾月前過緊馬路期間，右腳唔小心拗柴，所以要用拐杖，但好彩唔使做手術，只係針灸治療就可以喇。講開退休生活，阿石對粵劇一直都有濃厚興趣，佢話依家都繼續會玩粵劇，仲會同小朋友一齊玩添！
