香港大學校務委員會下周二會召開例會，消息指會議地點改喺金鐘海富中心嘅港大教學中心，基於港大學生會前會長馮敬恩被指洩露校委會閉門會議內容，故校委會將討論會議內容嘅保密協議及校委會安全事宜，要求新加入嘅校委簽署保密協議，預料接任學生會會長嘅孫曉嵐都要簽署保密協議。不過，孫曉嵐尋日接受電台訪問時就話，保密協議無考慮公平、公開及公眾知情權嘅原則，所以佢考慮唔簽署保密協議。咁即係佢唔使開會？
