政情:沈祖堯囡囡奪創科獎學金

創新科技獎學金計劃尋日舉行頒獎禮,廿五名對科技充滿熱誠嘅本地大學生獲頒發每人最多十五萬元資助,並於一年內完成參與海外或內地嘅暫讀計劃、導師計劃或本地實習生計劃。其中獲獎嘅中文大學二年級醫科生沈頌恩,係中大校長沈祖堯嘅女兒,佢希望香港未來可發展中西合璧嘅醫學。

盼中西醫結合

沈頌恩話,佢讀醫期間,發現唔少長期病患者因害怕西藥及西醫帶來嘅負面影響,往往選擇睇中醫,所以相信結合中西醫及其他自然療法可令醫學系統更完善,佢今年會到多倫多大學參觀當地醫學技術。

她又透露,家人無睇中醫習慣,但佢早前試過針灸,對紓緩肚痛好有效。而佢本身喜歡醫學,但又因喜歡寫作而想做作家,家人亦支持佢喺興趣方面發展,目前會讀好醫科,有機會亦想學針灸,累積更多人生經驗。

第一手消息請下載on.cc東網iPhone/iPad/Android/Windows Phone Apps