政情：公民講場：改革醫委會 高永文扯白旗

醫務委員會改革事在必行，由局長高永文領導嘅食物及衞生局提出增加四名委任非業界委員，但醫學界「企硬」，要求委任同選舉委員必須維持「一比一」比例，政府尋日終於半扯白旗提出新嘅方案，即係喺維持原有建議嘅基礎上，將原本由特首委任嘅醫學專科學院兩名委員，改由選舉產生，希望醫學界可以「收貨」，不過政府咁做暫時掌聲欠奉，因為有醫生背景嘅立法會議員，批評新方案係「假讓步」，高永文喺醫委會改革讓步後，一旦未能爭取醫學界或泛民主派支持，而原本支持陣營一方都有人動搖嘅話，到時認真兩頭唔到岸嘞！