元朗區議員倡組「更練團」自保
【本報訊】南亞兵團罪案永無寧日，冇神經政府視若無睹，元朗居民怒吼：「政府幾時先做嘢？」由今年一月至今，涉及南亞兵團及假難民的犯案事件最少有一百五十五宗，其中油尖旺及元朗區為重災區，分別有四十宗及三十六宗，屬十八區最嚴重的兩區。元朗昨又有兩宗罪案，居民人心惶惶，區議員倡加強警力外，居民可自組「更練團」或「護送隊」自保。
容忍已達極限
有人在元朗區群組留言指：「真係隔日就有一單，仲要今次有刀，又要驚搶嘢打劫，又要驚拐子佬搶小朋友，唉！」另有元朗街坊稱：「依家見到啲南亞人都驚咗！」「政府幾時先做嘢？依家真係出街都好驚！」有人建議警方應加派便衣警巡邏，坦言：「只要流傳周街有便衣警察，佢哋唔敢太猖狂！」
元朗區區議員周永勤指，近期南亞罪案不斷，籠罩元朗，而犯案手法愈趨暴力，不諱言：「由淨係搶嘢，變成郁手打人！」已達到區內居民容忍極限，情況令人擔憂。周續稱，警方需盡快加強警力，包括增加警察機動部隊及輔警人手，應付有關罪案，否則情況繼續惡化，居民或需倣效古時新界鄉村，自組「更練團」或「護送隊」。