組織擬5‧1發動反水貨行動

水貨問題困擾北區居民多年,有反水貨組織指「一周一行」政策並未有效打擊水貨活動,反而令現時水貨活動集中於假日,令居民放假都要「逼餐死」,嚴重影響居民的日常生活和附近環境衞生。就內地新稅制令上水水貨活動再次活躍,該組織指若情況持續,計劃於「五一」假期發動新一波反水貨行動。

分貨亂放紙皮阻街

「依家比起以前,星期六、日多咗水貨客,嗰兩日上水站附近一定逼到實晒,佢哋周圍分貨搞到啲紙皮周街都係,仲有搭車搭的士都難。」北區水貨客關注組召集人梁金成指,被稱為「藥房街」的新康街,月內已有數間新藥房及化妝品店開張,「全部都專做水貨客生意,開極都有,邊有少到?」

梁認為,水貨問題多年來令區內居民民怨沸騰,情況未有改善,故計劃於「五一」假期發動新一波反水貨行動,「行動暫時未有明確內容,咩都有可能,我哋目標係要還居民一個舒適嘅生活環境。」

第一手消息請下載on.cc東網iPhone/iPad/Android/Windows Phone Apps