探射燈：自動化仍難全面取代人手

政府各條隧道均設有收費亭，供司機繳交隧道費。

「就算自動化，都唔能夠全面取代人手。」職工盟交通運輸業組織幹事王宇來指出，隧道收費自動化，人手將會有所影響，但相信始終需要有人提供服務。

突發故障需職員處理

他稱，電子收費系統並非「萬能」，有機會突然發生故障，需要職員處理突發事件；另外，亦未必所有用家都選擇使用電子隧道收費系統或工具，故此，仍然需要保留職員在收費亭工作，「依家喺隧道（收費亭），有三分之一都係自動化，人手有變化，但係唔係每個車主都裝咗自動繳費機，而且香港隧道車流量咁多，始終都要有人手。」

司機心聲 陳先生（的士司機）：拍卡過隧道會快好多，有時啲司機要找錢，我哋喺後面都要等幾耐，我都想試拍卡過隧道。

唐先生（電單車司機）：梗係贊成啦，最好愈快裝拍卡過隧道系統愈好，我駕駛電單車過隧道付費，有時唔夠散紙，都幾麻煩。