港鐵按可加可減票價調整機制，年年賺錢下仍加價，早前有人建議作為大股東嘅政府用股息補貼票價，以平息民憤。惟運輸及房屋局局長張炳良尋日接受電台訪問時，明言不宜將港鐵派畀政府嘅股息補貼票價，又話明年檢討票價調整機制時，政府嘅立場係要維持「公道票價」，對營運者同乘客都要公道。其實市民不滿嘅地方係港鐵年年賺大錢都加價，究竟點樣為之公道票價，相信張炳良自己都噏唔出，而營運者同乘客嘅立場都唔同，張炳良唔單止自己呃自己，仲係呃埋市民囉！
