政情：今日你上鏡：劉黃寧達 終於做到選民

來自新加坡嘅名媛珠寶設計師劉黃寧達（Leta）去年居港滿七年，終於攞到「三粒星」身份證成為香港永久性居民。不過，Leta因為一場「美麗的誤會」，平白錯過喺去年十一月區議會選舉時做選民嘅機會。事關Leta以為香港同新加坡一樣，市民只要符合資格，毋須登記即可自動擁有投票權，結果等佢急急想登記時已經太遲。現時又係市民登記做九月立法會選舉選民嘅時候，Leta笑言今次一定唔會再錯過喇！佢仲話，如果香港唔使事先登記就可以投票，係咪有機會提高市民行使投票權嘅比率呢？（余素月攝）