中環出更：李國棟兒時偷偷遊車河

Donald仲話，佢細個好鍾意玩木工手藝，屋企人好驚佢長大後做「三行」，不過當年佢都只係有興趣，否則今日就唔係做醫生喇！出身於望族嘅馬會大董利子厚同樣住南區，童年放學都冇得去街，多得負責睇住佢嘅哥哥間中幫手瞞住父母放佢出去玩。

周松崗懷念鄰里情

同場仲有馬會大董周松崗及小提琴家姚珏。周松崗自細喺土瓜灣長大，童年回憶好開心，當年鄰里關係亦十分融洽，感嘆依家香港社會嘅鄰里關係變得好疏離。來自上海嘅姚珏定居香港廿年，自言對香港已十分熟悉，但早前參加馬會搞嘅落區演奏活動，拎住小提琴深入十八區去表演，才進一步加深對香港嘅認識。

尋日盃賽主題係「普及體育」，馬會主席葉錫安即場宣布，由馬會慈善信託基金撥捐逾一億五千五百萬元支持推廣五項「普及體育」創意項目，包括小學生習泳計劃，旨在透過運動中加入創意元素，增加趣味，從而鼓勵市民在日常生活中投入運動，預計可惠及逾廿四萬人，難怪港協暨奧委會會長霍震霆及剛上任嘅體育專員楊德強都有到場喇！

卓妮

馬會捐款支持普及體育，霍震霆（右）及楊德強（左）梗讚好。

周松崗（左）及姚珏（右）都現身支持社群盃賽。