民主黨立法會議員胡志偉尋日召開記者會，大講政府對青少年嘅房屋政策支援不足。佢話現時公屋計分同配額制度，令十八歲嘅青少年申請公屋要等超過三十年先可以進行審查，認為係歧視及敵視青少年，搞到佢哋難以累積財富，缺乏上游資本，最終只會轉化成為怨氣同失望喎。不過，胡志偉反對過政府開發大嶼山，為保育又反對「盲搶」郊野公園發展，依家走出來批評政府排斥青少年上樓，莫非佢有絕世好橋，可以兩全其美咁解決青少年住屋問題？再者，青少年未申請到公屋前唔通係無家可歸要瞓街嘅？
