政情:「被支持」紅燈區 姚思榮鬧爆梁繼昌

本港過去五年逾期居留及非法入境者從事賣淫被捕嘅個案有持續上升趨勢,立法會保安事務委員會前日討論有關問題時,會計界議員梁繼昌建議香港設立紅燈區,仲話連旅遊界議員姚思榮都支持添。尋日姚思榮主動強調唔支持設立紅燈區,對梁繼昌嘅說法不明所以,警告議員唔好隨便講嘢。

唔明點解被老屈

姚思榮話,前日梁繼昌引述「姚思榮都支持設立紅燈區」後,收到唔少業界人士查詢,佢強調自己唔支持設立紅燈區,亦認為以紅燈區推動旅遊業有困難,始終香港地方小,設立紅燈區會影響周邊家庭及小朋友,同時香港作為以中國人為主嘅文明社會,設立紅燈區只有負面訊息,而香港文化亦同歐洲開放國家有唔同。

姚思榮話唔係好明點解會被屈,可能當時坐喺梁繼昌後面。佢話議員支持設立紅燈區時,要三思唔好隨便講嘢,因涉及道德問題。

第一手消息請下載on.cc東網iPhone/iPad/Android/Windows Phone Apps