詩人話︰「生命誠可貴，愛情價更高；若為自由故，兩者皆可拋。」不過凡事都有例外，對於有啲人嚟講，「若為搵錢故，自由皆可拋」就差唔多！
無錯喇，功夫茶講緊嘅之唔係南亞兵團咯。呢班瘟神橫行霸道，無惡不作，香港幾乎淪為葛咸城，就尋日之嘛，有持行街紙嘅非洲漢形迹可疑販毒當場斷正；有南亞兵團內訌開大片；亦有一名女子喺巴士上被印度漢非禮。至於打黑工咯喎，更幾乎係南亞兵團嘅指定動作，警方尋日聯同入境處及勞工處，喺流浮山回收場拘捕七名持行街紙黑工；一名免遣返聲請留港嘅印尼籍女子，亦因為打黑工被判入獄一年零三個月。人哋偷渡係爭取自由，佢哋偷渡就係爭取犯罪，真係唔到你唔服。
點解南亞兵團有恃無恐，作奸犯科好似食生菜咁？一言以蔽之︰進可攻退可守也。假難民拍住黑幫食大茶飯，固然可以身光頸靚；打黑工一樣錢途無限，好似喺回收場打黑工咁吖，日薪三百至四百港元，一個月閒閒哋搵成皮嘢，咪以為少錢呀，好多南亞國家一年平均收入都係一萬港元左右，喺香港打黑工分分鐘好過喺嗰邊做CEO o架！
萬一失手被擒點算呢？好閒啫，坐監之嘛。港府不嬲講人權，坐監雖然失去自由，但勝在好食好住仲有人工收。最緊要係有病可以免費睇醫生，幾年前有越南人蛇偷渡來港，咪就係專門為咗博坐監醫愛滋囉。
南亞兵團坐香港監唔止福利多多，直頭賓至如歸。外籍在囚人士近年有上升趨勢，當中大部分嚟自越南、印尼、巴基斯坦以及其他非洲國家，朝見口晚見面都係自己人，夠晒親切感之餘，仲可以交流切磋搵錢路數。最好笑嘅係，唔知係咪驚佢哋思鄉情切，獄方特別提供符合佢哋宗教信仰嘅餐單，夠晒周到。假難民喺出面可以搵真銀，喺監房可以享清福，仲唔係進可攻退可守？
當然喇，香港遍地黃金，財路處處，點只打黑工同坐監咁簡單吖。要數成本低，效益高，肯定係扮可憐博法官同情，反正打官司有香港納稅人埋單，輸咗冇所謂，贏咗分分鐘袋一大舊錢衣錦還鄉。試過有聲請漢控告入境處「非法」拘押，結果獲賠每日一千大元；有人甚至獲賠廿一萬元，仲好過去打劫銀行吖。
正如有人話齋，你永遠無法叫醒一個裝睡嘅人。同樣道理，對於視自由如糞土嘅亡命之徒，你捉佢去坐監都係無補於事，盞嘥公帑嘅咋。所以話啫，對付假難民絕對唔可以手軟，即捕即解，見一個趕一個就啱嘅嘞！