探射燈：手機舖趨「吉」避「空」
「依家每日連廿個客問嘢都冇！唔好講嚟買嘢！」經濟不景氣下，售賣手機及相關產品的行業首當其衝，其中旺角先達廣場的商舖更是重災區，且愈來愈多「吉舖」。G-World Mobile負責人劉志剛表示，「你睇吓呢個場，已經冇乜人行，依家已經唔係減價，抑或送配件去吸引顧客嘅問題！」他更反問記者:「你有冇建議可以提供，畀我哋起死回生？」
「我哋呢層都算好，你行吓其他樓層，有好多吉舖。」劉坦言部分店舖整日都沒有生意，而多年前部分手機型號「炒得起」，他們仍也賺得多，但最近新推出的手機，對他們來說已經「冇肉食」，「依家只有守住，惟有等九月再有新機出售，盼有轉機。」
