由傘兵組成嘅新政黨同選舉聯盟近日成立，而且都係關乎香港自決問題同搶攻九月立法會選舉。咁多新興勢力冒起，議席僧多粥少，又難怪會令到傳統泛民政黨擔心嘅。其中民主黨何俊仁（AV仁）就話推動自決嘅團體會令到泛民碎片化，搞到香港眾志副秘書長周庭要出手反擊。周庭話「泛」有「全」嘅意思，即係包含唔同立場、行動模式，所以泛民本身就無統一立場，仲反問本來就係碎片，講咩碎片化呀！AV仁亂講嘢搞到畀個唔夠廿歲嘅o靚妹寸，真係攞架嚟丟囉！
