政情：樹根瞞愛妻 北上「偷食」
前高官、現為香港機場管理局企業發展執行總監嘅馮永業，日前自爆瞞住太太、民政事務局常任秘書長馮程淑儀，與同樣捲入樓換樓醜聞嘅賭王何鴻燊三太陳婉珍胞妹陳婉玉有交往，哄動全城。點知民建聯（民記）嘅立法會議員鍾樹根亦自爆，早前瞞住老婆去「偷食」。咪緊張，佢只係偷閒去食西班牙菜啫！
話說喺早前嘅復活節假期，樹根同班民記區議員，一行三十幾人一連三日去咗北京上堂，了解下祖國國情，每日由朝上到晚，非常認真o架。而作為資深議員嘅佢，就當係「Refresh下」對祖國嘅認知。
豪擲5000元請食西餐
雖然上堂好辛苦，但佢哋都有忙裏偷閒，樹根帶咗幾個團友去佢朋友開嘅餐廳試食西班牙菜，平日自命孤寒嘅佢，竟然豪花五千大元請客。佢仲話請客嘅事無話畀老婆知o架，叫大家同佢保守秘密咁話。其實請客都無乜大不了，樹根咁都要瞞住老婆，唔通有其他不可告人嘅秘密？