《二○一四年版權（修訂）條例草案》最終「作罷」，搞到咁已經係天大嘅笑話，原來單單係宣傳條例草案嘅廣告費已用咗一百五十萬元，包括喺印刷媒體登廣告及網上宣傳。商務及經濟發展局局長蘇錦樑（Greg蘇）仲好意思話，花公帑宣傳公共政策，爭取有關條例草案通過係「天公地道」，用咁多錢最終都係通過唔到條草案，真係倒錢落海！話口未完，尋日Greg蘇又有條宣傳香港國際七人欖球賽嘅短片推出，唔知今次又係咪使完錢無成效呢？
