【本報訊】台灣天團五月天下月來港開騷，位置佳的門票被炒至天價。演唱會主辦機構發言人表示，過往做法是公開發售每人可買六張，但今次為了配合歌迷需要：「所以傾過每人只可買兩張，但最後都攞咗中間數，每人限買四張。」而七成門票是指定地方售賣，同歌迷以先到先得方法買飛，這已是大會暫時覺得最公平最透明的方法，亦得到大部分人認可，但當然無可能照顧到每位歌迷。至於出現排隊黨搶飛，大會亦感到很無奈，亦不可以控制，呼籲歌迷不要買黃牛，等他們無利可圖。
以往五月天演唱會都一票難求，故今次決定開十場騷，以期更多歌迷能夠成功買飛，但今次仍然引起撲飛潮，主辦機構發言人被問到可會再加場，發言人表示：「最初有同五月天傾過，最初我哋唔止想開十場，但五月天畀到嘅行程暫時只得十場。」所以現時未有加場打算。發言人又表示，今次五月天開騷，內部認購超額很多倍：「但都有好多歌迷反映，所以今次五月天十場總座位嘅七成門票已經攞咗嚟公開發售，公關優先訂票、主辦單位內部門票都只係得兩成幾，係連續第二次咁樣做，同以往只得兩成幾公開發售係完全掉轉。」