綠色先鋒：細味自然 學習共存
「我哋無將『環保』掛喺嘴邊，只係生活習慣。」Dexter與Jessica異口同聲表示，酷愛大自然，而且喜歡「執嘢」，又不捨得「丟嘢」，對兩人而言，業餘舉辦工作坊，只是因為想分享對大自然的感受。
大自然對兩人的意義何在？Dexter憶述，其畢業作品與大自然有關，令他反思大自然與人類的關係，「大自然對人類好重要，冇咗大自然人類生存唔到，但大自然冇咗人類，反而生存得更好。」他認為，人類與大自然應尋求共存的方法。
住進鄉郊 感受四季轉變
Jessica則指，搬入鄉郊居住後，發現大自然「有好多智慧」，「同大自然相處好有趣，因為我住近條河，你會發現四季唔同天氣，條河都會有唔同聲音，好得意。」她指出，以往習慣在市區居住，難以忍受落雨或炎熱的天氣，但漸漸領略與大自然共存的樂趣，「依家落雨踩住單車，都會覺得好開心，覺得同緊大自然接觸。」