政情：今日你上鏡：遇田二少「集郵」 彪女鼓埋泡腮

工聯會立法會議員鄧家彪（Bill）女兒（右二）學唱大戲話咁快就兩年，所屬劇團經常四圍表演，前晚仲咁啱撞到新民黨議員田北辰（田二少），可惜Bill當晚因為要落區而失場，只有太太傍住囡囡。不過，Bill囡囡同田二少合照期間，個樣似乎唔係幾開心，唔知係咪不滿爸爸冇去撐場呢？唔少家長都對仔女寄予厚望，囡囡難得細細個已經對粵劇咁有興趣，假如將來想以粵劇名伶作為終身職業，Bill又介唔介意呢？Bill笑言，囡囡搵到自己興趣，正能量都多啲，最緊要係佢過得開心。