近日內地爆出黑心疫苗案轟動中外，觸發內地人喺網上發起湧港打疫苗嘅風潮，香港恐怕繼「奶粉荒」後再爆「疫苗荒」。食物及衞生局局長高永文尋日口講好關注呢個問題，但佢同時話近一兩年非本地兒童來港打疫苗所佔嘅比例好少，相信未至於對本地兒童服務造成影響，認為目前冇證據顯示疫苗不足喎！唔知高永文口講嘅證據，係咪指疫苗被搶晒先算呢？呢啲態度係咪叫做無知無覺？近排港府成日被批評係「無神經」政府，真係冇鬧錯！
