申訴專員公署發現租用社區會堂或社區中心的懲罰制度，每區獨立執行，因為違規而被記滿分嘅租用者，只要到其他地區租訂設施，就可以繞過被暫時禁止申請租訂設施嘅懲罰。公署調查又發現，民政事務總署轄下一間民政事務處，容許某兩個非政府機構優先租訂設施，可能令公眾覺得政府優待某啲機構。申訴專員劉燕卿就敦促負責管理嘅民政事務總署堵塞漏洞及取消優先租訂設施嘅制度。民政事務總署署長陳甘美華已經開始退休前休假，睇嚟呢個爛攤子要等新署長謝小華上任後執手尾喇！
