探射燈：銅鑼灣旺角 同遭霸地開檔
「外傭市集」除了攻陷元朗，本報早前亦曾直擊銅鑼灣及旺角一帶均聚集大量外傭無牌擺賣，其中在銅鑼灣高士威道行人路，該道路兩旁在周日盡是擺賣熟食的外傭，每檔有多名外傭煮食、打包、收銀甚至「睇水」，包括出售熱騰騰湯河，以及現成熟食，當中更有外傭手持零食及飲料四處兜售。
旺角道行人天橋亦是其中一個外傭聚集地，該行人天橋設有上蓋，可遮風擋雨，每逢假日，外傭便會在中午拿出白色膠枱布或紙皮鋪在地上「霸地盤」，不少行人亦要繞過她們的物件才能繼續行走。
「垃圾桶塞到爆晒」
「一到假期擺幾多垃圾桶都唔夠班外傭用，有時塞到爆晒搞到周圍都係。」食環署職工權益工會副主席李美笑指，聚集在銅鑼灣、旺角一帶的外傭愈來愈多，「好似旺角條天橋以往都係一段路有外傭，依家差不多成條橋都係，啲夜更工人有時都執唔晒啲垃圾，要留番畀第二日早更執。」
