發展局局長陳茂波（波叔）尋日喺網誌撰文，話已要求相關部門就工程項目採取實而不華嘅原則，盡量減少非必要嘅花巧要求，以減少工程超支情況。對於有建築界批評咁樣會扼殺創意，波叔就話大家不必過慮，死撐話簡約設計同美感及創意從來無矛盾，即使設計簡單，都可以令人有耳目一新之感，相反，富麗堂皇亦唔一定代表靚喎。呢種講法除咗係阿Ｑ精神外，正正就係限制咗設計一定要喺簡約方面發揮創意，否則無第二條路揀喇，咁都話無扼殺創意？
