政情：張俊勇滑雪遜兩千金

唔少人鍾意趁冬天到外國滑雪，中華總商會會董張俊勇（Thomas）早前就同家人去奧地利滑雪，仲帶埋私家滑雪板去。聽落以為佢嘅滑雪技術應該好好，但原來佢唔夠兩個囡囡叻，仲自爆追唔到佢哋添！

Thomas話，當兩個囡囡細個時，佢就帶住兩姊妹去滑雪，所以兩人雖然年紀細細，但係一個學咗四、五年，一個就學咗八年，幾乎所有嘅花式都識得玩，仲滑得快過佢。呢啲咪叫做青出於藍囉！

Thomas仲話，以前一年都會去日本滑幾次雪，不過自從發生海嘯之後，依家怕輻射，所以唔敢帶小朋友去玩，惟有轉去其他國家滑雪喇！