未到九月立法會換屆選舉「大考」，民建聯議員陳克勤（圖）已率先要上京赴考？克勤尋日在社交網站上載一幅相，係佢同一個清朝古箱嘅合照，仲問網友估唔估到個古箱有乜用途。有人估個古箱盛載食物、嫁妝、戲服、書籍等，亦有人估係夾萬，甚至估係流動廁所添！克勤就話，佢係喺大埔林村一間賣茶嘅舖頭見到呢個古箱，負責人話係清朝讀書人上京赴考時用嘅書箱，淨重廿幾三十磅，如果載滿書籍，分分鐘重達五十至六十磅，真係唔知點搬上京喇！
（互聯網）
