政情：李文俊視像教仔做功課
百仁基金主席、理文造紙主席李文俊正喺北京開兩會，今次會逗留個幾禮拜。為咗同家人保持緊密溝通，佢會盡量抽時間視像通話。大家千祈唔好以為視像係傾偈咁簡單，原來佢係透過視像通話督促兒子做功課同溫習，兒子亦會用WhatsApp向佢問功課，所以話做人父母真係少啲精力都唔得。
李文俊話，每次去北京天氣都唔錯，所以唔擔心受霧霾影響，加上太太已為佢準備咗足夠嘅蜂蜜水同潤膚膏，難怪無懼乾燥天氣喇！講番今次開會提案，李文俊透露內容與本港青年有關，包括幫本港青年喺內地搵工，以及解決內地就業嘅食宿問題。
至於青年對社會嘅不滿情緒，佢話會從正面去睇，始終香港係個好地方，宣洩情緒都要守法喎。