健仔在會計行工作，工作繁重，不時加班到晚上才回家。有一日下班途中，健仔突然感到頭昏眼花，差點在車上跌倒。他覺得不妥，便到醫院求醫。
「請問先生你有冇長期病患或長期服食某些藥物？」醫生問健仔。
「冇喎，但最近做嘢好忙，感到好大壓力。」健仔說。
醫生為健仔做了詳細檢查後，對健仔說:「雖然我在你身上檢查不到明顯病變，但我認為你正處於『亞健康』狀態。」
「亞健康！咩來o架？大唔大件事o架！」健仔焦急地問。
「等我解釋你聽啦！亞健康是一種常見都市病，係一種介乎健康與疾病之間嘅狀態，潛在發病傾向或感覺的表現，令到我們出現頭暈、臉色蒼白、記憶力變差、經常疲倦等病徵。導致亞健康的原因有好多，由飲食不均到缺乏運動都有，壓力、睡眠不足及污染亦可能造成亞健康。」
「咁我應該點做呢？」健仔追問。
「要擺脫亞健康，最有效的方法係打好身體底子。除均衡飲食和適當運動外，還要時刻保持心態平衡。提升自己的抗壓能力。」醫生解釋說。
「怎樣才能提升抗壓能力？」健仔問。
「要提升心理健康及抗壓力可以參考『建立正向心理』六大貼士，包括多笑、多分享、多感謝、多角度思考、多做運動同多幫助別人。機構就要做好工作壓力管理，搵出壓力來源；評估壓力對個人、部門及機構造成的影響；採取行動，如定期檢討人手、改善溝通、提倡生活工作平衡、提供壓力管理培訓、輔導或治療等。當然公司亦要定期檢查進展和成效。」醫生補充道。
「明白晒！我以後會多加注意！」健仔說。
職業安全健康局
www.oshc.org.hk