財政司司長曾俊華（鬍鬚曾）尋日發表網誌，指出香港稅基狹窄，政府長遠需要考慮改善稅制。有學者指香港奉行低稅政策多年，更因而吸引唔少外來投資，若果政府決定擴闊稅基就真係作繭自縛，更有機會引來司法覆核嘅挑戰添。其實庫房長期水浸，鬍鬚曾不檢討自己「守財奴」嘅陋習，反而重提擴闊稅基，開徵銷售稅不成，會否又向有能力嘅納稅人及有錢人開刀？相信必定惹來極大爭議，莫非經常強調愛與和諧嘅鬍鬚曾樂見咁嘅情況？
