中環出更：尊重傳統 智讚客家女人

美芬話，河北重男輕女，過年時，女人只可以煮飯，但就唔可以埋枱食飯，但佢係香港人，所以對佢特別尊重。不過，現時鄉下多了事業女性，教育程度較高，亦多了女性可以埋枱食飯喎。

講開過農曆新年，美芬話細個時屋企做小生意，父母有啲迷信，年初七前全家不可以洗頭，佢就曾經為咗堅持洗頭同屋企人嗌交，搞到要偷偷洗頭。

香港客屬總會執行主席曾智明早前在新春茶敍上亦提到客家人嘅傳統，佢教大家一句客家流傳嘅諺語，就係「客家女人大力、細食、勤力、分開食」，又指客家女人通常持家有道。咁客家男人又點呢？佢就話「女人落田男人讀書當兵」，屋企永遠有兩支棍一支筆，比喻客家男人能文能武喎。

梁亮勝家中堅持用客家話

本身係客家人嘅廣東社團總會常務副主席梁亮勝，就希望港人唔好忘記自己家鄉，好似佢兩個囡囡，雖然自小在加拿大求學，但佢一直堅持大家要用客家話溝通，希望客家文化能夠傳承。

卓妮早前在一個團拜活動上遇到發展局局長陳茂波，佢話細個比較窮，過年都冇錢買新衫，雖然依家家境較好，但佢都講笑話啲仔女都係冇得買新衫，「老竇都冇，個仔點會有呀？」認真搞笑。