探射燈：醫療爆煲 前線人員捱打
公立醫院病房輪候時間過長，病人苦不堪言，前線醫護人員成「箭靶」，是近年社會現象。公共醫療醫生協會會長陳沛然道出問題的癥結：「政府經常性開支揸得好緊，市民對服務有期望，呢個係一個死結。依家自願醫保又突然停咗，冇咗條出路。」
鴻圖大計在前 反削撥款
陳指，政府對醫療發展有鴻圖大計，今年將增設病床，未來十年亦會增建醫院，服務的病人預料將大增五千人。不過，剛發表的財政預算案卻削減醫管局經常性撥款二億三千萬元，即使按服務需求額外撥款二億二千萬元，今年經常撥款仍較去年度少一千二百萬元，令人擔心未來的軟件未能配合硬件的發展，醫療壓力大增，「依家二萬七千幾張床位，經常性開支上年係四百九十億，大家諗吓，如果加五分一床位，要增加一百億開支，連埋通脹，十年後要成一千億，政府會突然加咁多經常性開支？當然唔得。」
政府去年積極推行自願醫保計劃，為醫療死結尋求出路，卻突然「無聲無氣」，食物及衞生局局長高永文更直言，本屆政府難以完成立法。陳指，解決醫療制度的死結，惟有靠「夾在中間」的醫護人員加強效率，「最簡單去解決兩邊矛盾，就係醫護人員捱咗佢，醫生要三分鐘睇一個症就係因為呢個死結。」
