立法會經濟發展事務委員會尋日討論香港旅遊業發展時，有旅遊界人士批評旺角暴亂嚇怕海內外旅客，令業界雪上加霜。人民力量議員陳偉業就忽發奇想，話當年德國柏林圍牆倒下，有人將啲牆磚攞嚟賣都不知幾受歡迎，認為香港都可以效法，將旺角暴亂「遺址」變成旅遊景點喎。好彩立法會地下係鋪地氈唔係鋪磚，否則啲旅遊界人士隨時會向陳偉業掟磚！
