立法會財務委員會嘅「拉布」戰長路漫漫，剪布經驗豐富嘅財委會主席陳健波（波哥）最近再為反拉布獻新猷，發明財委會加會兼「雙線」行車，即係等高鐵追撥通過後，將具爭議撥款同無爭議撥款分開兩日審議，泛民主派可以就具爭議嘅撥款拉布行「慢線」，民生撥款就行「快線」盡快通過，仲話立法會法律顧問認為技術上可行添！不過，何謂「爭議」撥款都相當具爭議，即使佢冧掂建制派及傳統泛民支持建議，都難阻激進拉布議員玉石俱焚兩條線都拉布喎！
