參與旺角暴亂嘅大部分暴徒都係蒙晒面或戴咗口罩，增加警方緝捕嘅難度。尋日立法會政制事務委員會討論個人資料私隱專員公署嘅工作報告時，有議員詢問立法禁止示威者蒙面會否侵犯私隱？兩者如何作出平衡？私隱專員黃繼兒解釋，現行法例訂明如果係為咗防止罪案及公共秩序等理由，即使違犯私隱原則都可免受法律制裁，強調私隱保障不應被濫用。連私隱專員都為禁止蒙面示威開咗綠燈，政府仲唔做嘢？
