上水：行人塞單車徑 執法不力
「踩單車上行人路就畀警察捉，但依家成條單車徑畀人霸住嚟行路就冇人理！」上水居民張先生常以單車代步，不滿港鐵上水站對出一段新運路單車徑常有途人行走，而警方未有積極處理，「個個拉住一車二車行去搭港鐵，又有水貨客喺度分貨，警察放啲鐵馬喺度就算，根本冇處理個問題！」張又指新春期間情況更為惡劣，要求警方到場執法，確保單車使用者及途人安全。
警稱加強巡邏票控
警方發言人指，該位置一帶屬水貨活動黑點，警方不時接獲有關貨物阻塞的投訴，亦一直密切留意該單車徑受阻塞的情況，強調會加強巡邏及採取執法行動，包括票控違例人士以改善問題。
「佢哋之前放喺度分隔行人路同單車徑嘅鐵馬都成日畀人推冧同移走，但都冇人理！」張不滿警方回應，要求當局以實質行動解決問題。