探射燈：網購盛行 婚禮統籌生意急挫
部分婚禮統籌服務被指貨不對辦，業界直指，不法商人營銷手法卑劣，影響業界聲譽，加上網購風氣盛，令近年生意大減。
記者日前周末到旺角一婚禮統籌服務店林立的商場視察，發現場內有近二十間吉舖，氣氛冷清。從事婚禮攝影的Dargo指，近年生意急轉直下，半年間生意額急跌三成，「啲客會對你冇信心，有好多疑問，驚你呃佢咁，都冇辦法，只有溝通多啲。」
同樣經營婚禮攝影公司的戴先生大嘆，兩年前生意轉差，相信與網購盛行，以及有行家以不良營銷手法做生意有關，「呢兩年都少咗好多新人嚟行，好冷清，少街客，通常都係referral（轉介）。」至於出租禮服店的邱小姐擔心，今年是「盲年」，恐結婚人數下降會影響生意，惟有保持服務質素。