公民講場：買水炮車 「涂」轉口風

泛民主派議員去年用打壓集會自由為理由，阻撓警方買入三部水炮車，但日前旺角暴亂事件，警員被暴民瘋狂襲擊，無法無天，令本來反對警方加強武力嘅泛民都要改口，支持警方購買水炮車。民主黨議員涂謹申尋日出席電台節目時話，「無基礎指水炮車唔可以買」，指警方只要用得小心，根據指引證明係合理使用，其實都買得。估唔到警員要頭破血流，先可以令泛民得知事件嚴重性而態度軟化，如果被暴徒襲擊嘅係班泛民議員，分分鐘建議警方購買超級武器，甚至建議警方開槍保護市民生命安全。