政情：橄欖畀貼士 有閒錢入市

橄欖建議，可以考慮買建設銀行（939），至於去年金融服務界議員張華峰曾建議大家買港交所（388），橄欖就話當時每股成三百元，他無入貨喇，但現時跌到一百六十幾元，有閒錢都可以留意。樓市方面，他就建議大家不要太心急入市，起碼等到今年下半年先至好諗。

買樓交通方便 物有所值

不過，橄欖去年底就買入牛池灣峻弦一個一千七百呎單位，覺得呎價相當抵買，但管理費就成三個幾一呎，即足足六千元管理費。橄欖就話，管理費貴就貴啲，但保安等服務都好好，加上孫兒要去九龍塘返學，交通很方便，物有所值！

講開又講，今年十月新一屆立法會展開，邊個會適合做主席？橄欖就讚梁君彥不錯。新民黨主席葉劉淑儀又好唔好呢？他指葉太做人事編制小組委員會主席主持會議「鬆到不得了」，笑笑口話懷疑葉太有冇看清主席的權力喎。