一到農曆新年，立法會議員及區議員都會紛紛落區向街坊拜年，而往年會以一身「財神」打扮落區嘅工程界立法會議員盧偉國，尋日年初三亦再度現身，今年佢就孖住立法會議員梁美芬、化身成「祿星」嘅九龍城區議員張仁康，齊齊落紅磡區，除咗向市民拜年之餘，仲大派朱古力金幣利是。「財神」盧偉國仲搞搞新意思，用色士風吹奏幾首賀年歌，包括《財神到》及《歡樂年年》，深受街坊歡迎，更成為「集郵」對象添！
（受訪者提供）
